Alumnos de 3º de ADE e 4º de ADE-Dereito e ADE-Informática da Facultade de Ciencias Empresariais e Turismo da Universidade de Vigo realizaron unha visita ás instalacións de Aceites Abril en San Cibrao das Viñas (Ourense), enmarcada no programa de actividades da Cátedra de Empresa Familiar da UVI, que dirixe Elena Rivo.
Pola mañá, o alumnado asistiu a unha charla de Luis Pérez Canal, CEO desta empresa familiar aceiteira, para coñecer e aprender sobre a súa actividade e a súa evolución desde un pequeno negocio dedicado aos viños, ata transformarse na principal marca de aceite de oliva de Galicia e nun exemplo de internacionalización, calidade e innovación. A xornada rematou cun encontro coa fundadora de Aceites Abril, M. Carmen Canal, quen relatou aos alumnos interesantes anécdotas da empresa, e cunha visita ás instalacións, guiada por Dianne González, responsable de Calidade, Seguridade Alimentaria e Medio Ambiente.