A Cátedra de Empresa Familiar da Universidade de Vigo organizou dúas conferencias na Facultade de Relacións Internacionais vinculadas á materia Xestión Internacional da empresa familiar, coa intención de achegar ao alumnado a aposta internacional de dúas compañías ourensás: UNVI e MRF.
A primeira, celebrada o 12 de febreiro, foi impartida por Carlos Rivo, director xeral de UNVI, e presentada por Elena Rivo, directora da Cátedra de Empresa Familiar de Vigo. Carlos Rivo explorou a evolución e aposta internacional de UNVI no campo dos autobuses eléctricos e de combustión, que actualmente ten presenza en máis de medio centenar de países do mundo.
Pola súa banda, Ernesto Rodríguez Cuervo, CEO de Mecanizados Rodríguez Fernández (MRF), expoñerá, hoxe, 19 de febreiro (18:00 h) a estratexia de internacionalización desta compañía especializada no deseño e fabricación de accesorios en aceiro e solucións para a carrocería industrial e outros sectores industriais, con presenza en máis de 40 países.