Cátedra de Empresa Familiar da Universidade de Vigo

A Cátedra da Empresa Familiar da Universidade de Vigo nace no ano 2005 baixo convenio co Instituto de Empresa Familiar, cunha finalidade de difusión, docencia e investigación da singularidade e os retos das empresas familiares. O convenio recolle a gran relevancia estratéxica das empresas familiares, desde múltiples perspectivas, para a economía e a sociedade galega.

A cátedra renova periodicamente o convenio coa Universidade de Vigo, a Asociación Galega da Empresa Familiar e o Grupo Inditex, que recoñece o especial significado e importancia estratéxica das empresas familiares, desde múltiples perspectivas, para a economía e a sociedade galega. En outubro de 2019 a universidade asinou a renovación da cátedra coa Asociación Galega da Empresa Familiar, Inditex e o Instituto de Empresa Familiar por catro anos máis.

Os obxectivos da cátedra resúmense na difusión, a docencia e a investigación da singularidade e desafíos das empresas familiares. Xustifican e motivan este obxectivo a importancia económica das empresas familiares, piar fundamental da economía, a súa vinculación e o seu compromiso co seu entorno xeográfico e social, así como as súas características peculiares, que en múltiples ocasións complican os procesos de sucesión e a súa continuidade.

No campo da investigación, a Cátedra da Empresa Familiar da Universidade de Vigo promove o desenvolvemento de estudos e investigacións sobre a realidade das empresas familiares, tanto de orientación profesional como puramente académica. Ademais, a cátedra colabora activamente nas actividades e reunións da Asociación Galega da Empresa Familiar, asesorando e elaborando informes nas cuestións que aquela considera relevantes.