Luis Otero: “O reto das empresas familiares galegas é crecer en tamaño”

Luis Otero: “O reto das empresas familiares galegas é crecer en tamaño”

09/02/2023. Luis Otero González é o director da Cátedra da Empresa Familiar da Universidade de Santiago de Compostela (USC). O experto teno claro. “O reto das empresas familiares é crecer en tamaño” afirma Otero.

“O peso das empresas familiares na economía galega supera a media española, tanto en número como en importancia económica, pero son de menor tamaño. Este reto foi recentemente abordado nun estudo financiado polo IGAPE, onde se conclúe que o valor engadido bruto redúcese nun 30% respecto do que podería ser nun contexto configurado por empresas de maior dimensión”, continúa o experto.

Otero sinala a aposta pola Internacionalización, da I+D+I e a cualificación do personal como condicións fundamentais para lograr ese aumento de tamaño.

No referente ao impacto das empresas familiares na súa contorna, o director da Cátedra da Empresa Familiar na USC sinala a súa importante participación no ámbito formativo. “Os datos do Observatorio da Empresa Familiar mostran que 4 de cada 10 empresas colaboran nos programas de formación a través de centros profesionais, incluido á formación dual”, conta Otero.

Sobre a retención do talento, o experto sinala: “o feito de priorizar a localización da súa sede no territorio permite reter talento directivo e técnico, así como o desenvolvemento de sectores tecnolóxicos cos que contratan boa parte dos seus servizos de alta cualificación”.

A Cátedra da Empresa Familiar da Universidade de Santiago de Compostela desenvolve anualmente un extenso programa de actividades para achegar o mundo da empresa familiar aos estudantes. No 2023, as actividades comenzan cun primeiro seminario sobre a particularidades fiscais que afectan ás empresas familiares,que terá lugar esta semana. Consulta aquí o programa: (enlace páxina co programa).

Imaxe: Punto GA / M. Riopa.