A directora xeral en España da axencia de medios dentsu X, María Álvarez Gómez, impartirá unha conferencia sobre o impacto da Intelixencia Artificial no márketing empresarial, o martes 25 de marzo, ás 10:00 h, na Facultade de Comercio de Vigo.
A charla, que forma parte do programa de actividades da Cátedra de Empresa Familiar da Universidade de Vigo, será presentada polo presidente da Asociación Galega da Empresa Familiar (AGEF), José Bernardo Silveira.
As Cátedras da Empresa Familiar en Galicia, integradas na Rede de Cátedras de Empresa Familiar, están impulsadas polas universidades da Coruña, Vigo e Santiago de Compostela, co apoio de AGEF, de Inditex e do Instituto da Empresa Familiar (IEF).